July 17, 2011


July 7, 2011
June 27, 2011
Олон түүхт үйл явдал давхацсан энэ жилийн Үндэсний их баяр наадмаар Цэргийн ёслолын жагсаал явах юм. Өнгөрсөн 5 дугаар сарын дунд үеэс өөр, өөрсдийн анги, салбарт хүн нэг бүрийн, эгнээний, болон нэгдсэн бэлтгэлээ базаасан тэд энэ сарын 20-ноос БХИС-ийн жагсаалын талбайд ёслолын жагсаалын нэгдсэн бэлтгэлээ эхлүүлээд байна. Ирэх сарын 8-ны өдрийг хүртэл үргэлжлэх хугацаанд Зэвсэгт хүчний 337 дугаар ангийн байрлалд хоёр удаа зэвсэг техник, морин жагсаал оролцсон иж бүрэн бэлтгэлийг хийх аж. Энэ тухайд ЗХЖШ-ын АУГ-ын ахлах мэргэжилтэн, хурандаа Д.Пүрэвдоржоос тодруулжээ.
Ёслолын жагсаалд ямар бүрэлдэхүүн оролцох вэ?
-Ардын хувьсгалын 90 жилийн ой, “Монгол Улсын төрийн далбааны өдөр”-ийг тохиолдуулан Цэргийн хүндэтгэл, ёслолын жагсаал 7 дугаар сарын 10-ны өдөр жанжин Д.Сүхбаатарын талбайд болно. Томоохон энэ арга хэмжээнд ЗХЖШ-ын ҮЖҮНХ, БХИС-ийн ЦХС-ийн бөмбөрчид, ЗХЖШ-ын бүтцийн нэгжүүд болон ЕЗЦК, АДХЦК-ын харьяа анги, салбаруудын бие бүрэлдэхүүн, Улаанбаатар цэргийн хүрээний Хүндэт харуул, ХХЕГ, Дотоодын цэрэг, ШШГЕГ, ОБЕГ-ын бие бүрэлдэхүүний төлөөлөл гээд нийтдээ 2000 гаруй цэргийн алба хаагч оролцох юм.
Техникийн болоод Морин цэргийн жагсаал мөн явах байх аа?
-Тийм ээ. Сүүлийн үед Зэвсэгт хүчний зэвсэглэлд шинээр нэвтэрсэн зэвсэг, техникийн төлөөлөл, Зэвсэгт хүчний 337 дугаар ангийн нисдэг тэрэг, 232 дугаар ангид шинээр зохион байгуулагдсан морин дивизионоос Морин цэргийн жагсаал оролцох учраас ёслолын жагсаалын ажиллагааны сүр, хүч улам нэмэгдэх нь ойлгомжтой.
Ард түмэн хуучнаар шөнийн парадыг тэсч яван хүлээдэг дээ?
-Хүн, морь, зэвсэг, техник оролцсон иж бүрэн бэлтгэл 7 дугаар сарын 4, 6, 8-ны шөнө Д.Сүхбаатарын талбайд  явагдана.
    Монгол Улсын Ерөнхийлөгч, Зэвсэгт хүчний Ерөнхий командлагчийн АНУ-д хийсэн албан ёсны айлчлалын бүрэлдэхүүнд Батлан хамгаалахын сайд Л.Болд тэргүүтэй төлөөлөгчид орж, тус улсад айлчлаад ирлээ. Тэд Арлингтон дахь дайнд амь үрэгдсэн дайчдын дурсгалын цогцолборт цэцэг өргөх ёслолд оролцож, Уолтер Рийдийн цэргийн эмчилгээ, сувилгааны төвд зочилж, АНУ-ын сенатор Жо Лийберман, Конгрессын гишүүн Дункан Хантер, АНУ-ын Штабуудын ерөнхий хорооны дарга, адмирал Майкл Муллентэй уулзаж, бүс нутгийн аюулгүй байдал, цэргийн шинэчлэлийн асуудал, Зэвсэгт хүчний ЭДА-нд оролцож байгаа тухай ярилцжээ.
       Ази, Номхон далайн бүс нутгийн орнуудын Олон үндэстний холбооны харилцан ажиллагааны хөтөлбөрийн төлөвлөлтийн хурал Улаанбаатар хотод болж байна. Энэ хурлыг АНУ-ын Номхон далай дахь Цэргийн командлалын J-6-гийн алба болон ЗХЖШ-ын Удирдлага, холбооны хэлтэс хамтран зохион байгуулж буй юм. Хоёр талаас томилогдсон 16 хүнтэй багийг  J-6-гийн орлогч дарга, хурандаа Блейкли, бригадын генерал П.Пүрэвбазар нар ахлан хурлын үйл ажиллагааг удирдан явуулж байгаа бөгөөд уг хуралд 18 орны 50 гаруй төлөөлөгч хүрэлцэн иржээ. Бүс нутгийн хэмжээнд тохиолдсон аливаа гамшиг ослын үед холбооны харилцан ажиллагааг хэрхэн зохион байгуулах, хамтран ажиллах талаар санал бодлоо солилцож буй энэ хурлын нээлтэд ЗХЖШ-ын дэд дарга, хошууч генерал Б.Баярмагнай оролцлоо. Энэ сарын 24-нд өндөрлөх хурлын үеэр 8 дугаар сарын сүүлчээр бүс нутгийн орнуудын цэргийн холбоочдын хээрийн сургуулийг Сингапурт хийхээр шийдвэрлэсэн аж. Уг хээрийн сургуульд манай цэргийн холбоочид оролцох юм.

1000 ЦЭРЭГ “БҮЖИГЛЭНЭ”

        Үндэсний их баяр наадмын нээлтийн ажиллагааны үзүүлэх тоглолтод оролцох хугацаат цэргийн алба хаагчдын бэлтгэлийг хангах ажил Зэвсэгт хүчний Сургалтын нэгдсэн төвд зохион байгуулагдаж байна. Хээрийн байрлалыг ЗХЖШ-ын АУГ-ын Сургалтын хэлтсийн дарга, дэд хурандаа Д.Баасандамба хариуцаж, Төрийн соёрхолт, бүжиг дэглээч С.Сүхбаатар, Гавьяат жүжигчин Д.Сосорбарам, ЦДБЭЧ-ын ерөнхий балетмейстр, дэслэгч Л.Баттөр нарын уран бүтээлчид үзүүлбэрийн найруулагчаар ажиллаж байна. Зэвсэгт хүчний 19 анги, байгууллагын 1000 гаруй цэрэг, түрүүч, офицер, ахлагч нар монгол цэргийн түүхэн уламжлалыг харуулсан үзүүлбэрийг бүжгийн хэлбэрээр илэрхийлэх аж. Хугацаат цэргийн алба хаагчдын 90 хувь нь 2011 оны l ээлжээр цэргийн албанд татагдагчид байгаа учраас сургалтын төлөвлөгөөний дагуу цэргийн ерөнхий бэлтгэл хичээлийг хамт зохион байгуулж байгаа юм байна.
May 8, 2011
   Афганистан Улсад ХБНГУ-ын цэргийн хүчний бүрэлдэхүүнд үүрэг гүйцэтгэх 4 дүгээр ээлжийн цэргийн алба хаагчид жанжин туганд хүндэтгэл үзүүллээ. Олон жил иргэний дайн, зэвсэгт босогчдын харгис түрэмгийлэл дор зовж зүдэрсэн Афганистаны ард түмэнд эрх чөлөө, ардчилал, шударга ёсыг эргүүлэн өгөхийн төлөө Монгол улсын зэвсэгт хүчний цэргийн алба хаагчид тус улсад энхийг сахиулах ажиллагаанд оролцоод баггүй хугацааг үдэж байна.
May 3, 2011
       УИХ, Засгийн газрын гишүүн, Батлан хамгаалахын сайд Л.Болд тэргүүтэй төлөөлөгчид Бүгд Найрамдах Солонгос Улсын Үндэсний Батлан хамгаалахын сайдын урилгаар 2011 оны дөрөвдүгээр сарын 20-ны өдрөөс тус улсад албан ёсны айлчлал хийлээ. Төлөөлөгчдийн бүрэлдэхүүнд УИХ-ын гишүүн, Монгол-Солонгосын парламентын бүлгийн дэд дарга Б.Батбаяр, Батлан хамгаалах яамны Төрийн нарийн бичгийн дарга, хошууч генерал М.Борбаатар, ЗХЖШ-ын Ерөнхий зориулалтын цэргийн командлалын штабын дарга, бригадын генерал Л.Онцгойбаяр болон албаны бусад хүмүүс багтсан байна.
        Батлан хамгаалахын сайд Л.Болдын айлчлал Солонгосын дайнд амь үрэгдэгсдэд зориулсан “Эх орончдын дурсгалын хөшөө”-нд цэцэг өргөснөөр эхэлсэн. Сайд Л.Болдод БНСУ-ын Үндэсний батлан хамгаалах яамны хүндэт харуул  хүндэтгэл үзүүлсний дараа Үндэсний батлан хамгаалахын сайд Ким Куань Жиньтэй яриа хэлэлцээ хийлээ. Яриа хэлэлцээний явцад Зүүн хойт Азийн бүс нутаг, Солонгосын хойгийн асуудлаар харилцан байр сууриа илэрхийлж, батлан хамгаалах салбарын хамтын ажиллагаа, хоёр улсын зэвсэгт хүчний шинэчлэл, цаашдын хөгжлийн явцын талаар харилцан мэдээллээ. Батлан хамгаалахын сайд Л.Болд 1999 онд байгуулсан хамтын ажиллагааны гэрээг дараагийн шатанд гаргаж, цэрэг-техникийн салбарт хамтран ажиллах, цэргийн шинэчлэлийн үйл явцад хамтран ажиллах санал тавихад БНСУ-ын Үндэсний батлан хамгаалахын сайд саналыг таатайгаар хүлээн авч, бүх талаар дэмжихээ илэрхийлж, хамтын ажиллагааны чиглэлийг тогтоох хоёр талын ажлын хэсэг байгуулж ажиллахын чухлыг онцлон тэмдэглэлээ.
        Монгол Улсад жил бүр болдог “Хааны эрэлд” олон улсын хамтарсан хээрийн сургуульд Солонгосын зэвсэгт хүчний цэргийн баг, офицерууд 2006 оноос тасралтгүй оролцож байгаа уламжлалаа хадгалж энэ онд цэргийн багаа оролцуулах болсноо Үндэсний батлан хамгаалахын сайд Ким Куань Жинь илэрхийлсэн. Л.Болд, Б.Батбаяр нар дөрөвдүгээр сарын 22-ны өдөр БНСУ-ын парламентын гишүүн ноён Чон Жан Соньтой уулзаж хоёр орны хамтын ажиллагааны талаар санал солилцжээ. Төлөөлөгчид айлчлалын явцад Солонгосын дайны музей, 38 дугаар өргөргийн дагуу орших Пань Мүнь Жом, НҮБ-ын Аюулгүй байдлын нэгдсэн хүчний байр, Тэнгисийн цэргийн 2 дугаар флотод зочилсон байна.
         Батлан хамгаалахын сайдын зөвлөх Ц.Ганболдын ахалсан тус яамны ажлын хэсэг БНПУ-ын Батлан хамгаалах яамны урилгаар Варшавт ажлын айлчлал хийлээ. Энэхүү айлчлалын үеэр Монголын төлөөлөгчид Польшийн Батлан хамгаалах яамны Төрийн нарийн бичгийн даргын батлан хамгаалах бодлого эрхэлсэн орлогч Збигнев Влосовичтой хэлэлцээ хийж, батлан хамгаалах салбарын хамтын ажиллагааны тэргүүлэх чиглэлээр санал солилцов. Талууд батлан хамгаалах салбарт хамтран ажиллах тухай Засгийн газар хоорондын гэрээнд ойрын үед гарын үсэг зурахаар боллоо. Манай төлөөлөгчдийг Польшийн Зэвсэгт хүчний Жанжин штабын дарга генерал Мичеслав Чениух, Хуурай замын цэргийн командлагч дэслэгч генерал Збигнев Гловийнка, Агаарын цэргийн командлагч дэслэгч генерал Лех Маявски нар хүлээн авч уулзаж НҮБ-ын Энхийг дэмжих болон Афганистан дахь НАТО-гийн Аюулгүй байдлыг хангах олон улсын цэргийн хүчин (ISAF)-ий ажиллагаанд хоёр улсын Зэвсэгт хүчний оролцооны талаар харилцан мэдээлэл хийлээ. Мөн ажлын хэсгийн бүрэлдэхүүн Польшийн Үндэсний батлан хамгаалахын их сургууль, Шинжлэх ухаан, үйлдвэрлэлийн “Бумар” нэгдэл, тусгай хүчний бригад болон Энхийг дэмжих ажиллагааны сургалтын төвд тус тус зочилсон байна.
        Монгол Улсын Зэвсэгт хүчний цэргийн баг 2003-2008 онд Ирак Улсад Польшийн тэргүүлсэн олон үндэстний дивизийн бүрэлдэхүүнд үүрэг гүйцэтгэсэн бөгөөд 2004 оны хоёрдугаар сард харуулын ахлагч Г.Аззаяа, Ш.Самбуу-Ёндон нар Чарли бааз руу үйлдэхээр завдсан террорист халдлагыг таслан зогсоож, олон орны 2000 орчим цэргийн албан хаагчийн амь насыг аварч байсан билээ. Энэ эрэлхэг гавъяаг Польшийн цэргийнхэн, олон нийт бахархан дурссан бол монголчууд ч Иракт цуг үүрэг гүйцэтгэсэн Польшийн офицер, ахлагчдыг мартаагүйг манай төлөөлөгчид илэрхийлжээ. Ялангуяа 2010 оны дөрөвдүгээр сарын 10-нд ОХУ-ын Смоленск хотын ойролцоо болсон онгоцны ослын үеэр амь эрсэдсэн Польшийн Зэвсэгт хүчний Жанжин штабын дарга асан генерал Францишек Гагор, Хуурай замын цэргийн командлагч асан хошууч генерал Тадеуш Буук нарын гэгээн дурсгалыг хүндэтгэж, Монголын Зэвсэгт хүчний нийт бие бүрэлдэхүүний нэрийн өмнөөс эмгэнэл илэрхийлсэн байна.
          Польшийн тал Монгол Улсыг НАТО-гийн Дэлхий дахины түншлэл хөтөлбөрийн хүрээнд харилцагч орны статустай болоход дэмжлэг үзүүлэхээ илэрхийлсэн бол манай төлөөлөгчид БНПУ-ын Батлан хамгаалахын сайд Богдан Клихийг яамныхаа 100 жилийн ойн ёслолын арга хэмжээнд урьжээ.
May 2, 2011
Аль-Каидагийн удирдагч Осама Бин Ладен амь үрэгдлээ
“АНУ-ын нэрий нь дурьдаагүй засгийн газрын гурван төлөөлөгчийн хэлснээр Бин Ладений цогцос Америкийн эрх баригчдын мэдэлд байгаа гэж мэдэгдэж байна” CNN мэдээллээ.

Бин Ладен Нью-Йорк, Вашингтон хотууд руу довтолсон 2001 оны есдүгээр сарын 11-ний халдлагаас хойш АНУ-ын гол дайсанд тооцогддог болсон юм.

Тэрээр Пакистаны нийслэл Исламабад хотоос 100 орчим километрийн зайд оршдог Абботабад хотод амьдардаг байсан бөгөөд түүний гэр нь Пакистаны хамгийн алдартай цэргийн академийн ойролцоо байрладаг байжээ. Америкийн цэргийн хоёр нисдэг тэрэг харанхуй болсон үед гэр рүү нь пуужингаар агаараас цохилт өгсөн байна.

Энэ мэдээг гарсан даруйд Цагаан ордны өмнө олон хүн цугларч “АНУ! АНУ!” гэж орилцгоожээ. Барак Обама Ерөнхийлөгч болсныхоо дараа Бин Ладенийг барих эсвэл алах тушаал өгсөн тухайгаа өөрийн хэлсэн үгэндээ дурьдлаа. Түүний хэлж буйгаар 2010 оны наймдугаар сард түүний байгаа байршлыг тогтоосон байна.

Энэ оны гуравдугаар сард тус мэдээлэл нотлогдсон бөгөөд дөрөвдүгээр сарын сүүлчээр Бин Ладенийг барих тушаал гарчээ.

Тус үйл ажиллагаагаар Бин Ладений хоёр эхнэр дөрвөн хүүхэд нь баривчлагдсан байгаа аж. Мөн урьдчилсан мэдээгээр түүний нэг хүү нас барсан байна. “Аль-Каида”-гийн удирдагчтай хамт түүний бие хамгаалагчид, хамтран зүтгэгчид зэрэг хэд хэдэн араб хүн амиа алдсан байна.

Тус үйл ажиллагааг Америкийн тэнгисийн явган цэргийнхэн зэрэг Америк Пакистаны тусгай албаныхан хамтран гүйцэтгэсэн бөгөөд буудлагын үеэр Осама бин Ладен алагдсан байна.

2001 оноос түүнийг АНУ “номер нэг алан хядагчаар” зарласан бөгөөд түүнийг баривчлахад тусалж мэдээлэл өгсөн хүнд таван сая ам.доллар амласан билээ. Энэ үеэр Осама бин Ладен Афганистанд байсан бөгөөд “Талибан” хөдөлгөөнийхний зочинд тооцогдож байжээ.

2004 оны АНУ-ын Ерөнхийлөгчийн сонгуулийн өмнөхөн Осама бин Ладен видео бичлэгээр дамжуулж 2001 оны алан хядах үйл ажиллагаанд "Аль-Каида" бүлэг шууд хамааралтай байсан гэдгээ албан ёсоор мэдэгдсэн байна.

Харин АНУ-ын Афганистан дахь цэргийн ажиллагаа эхэлсний дараахан Осама бин Ладен нуугдсан юм. Тэр үеийн Ерөнхийлөгч Жорж Буш “Бин Ладенийг амьдаар нь юм уу үхсэнээр нь барих болно” гэж байжээ.

С.Халиун

Эх сурвалж: www.cnn.com
April 27, 2011

Хааны эрэлд 2011

БНСВУ-ын Батлан хамгаалахын сайдын урилгаар Монгол Улсын Их хурал, Засгийн газрын гишүүн, Батлан хамгаалахын сайд Л.Болд тус улсад албан ёсны айлчлал хийж байна.

        Удахгүй хугацаат цэргийн алба хаагчдын ээлжит халалт, таталт орон даяар өрнөнө. Энэ хаврын хувьд ямар онцлогтой байх тухайд ЗХЖШ-ын БСТГ-ын Цэргийн дайчилгааны хэлтсийн мэргэжилтэн, дэслэгч Ш.Ганбатаас тодруулсан юм. Мэргэжилтний ярьснаар 2011 оны l ээлжийн цэрэг халалт, таталтын ажил ирэх 5 дугаар сарын эхний хагаст явагдах аж. ЗХЖШ-аас хот, хөдөө орон нутгаас хэчнээн тооны цэрэг татах хяналтын тоог аймаг, нийслэлийн цэргийн штабуудад хүргүүлжээ.
Афганистан улс дахь АНУ-ын тэргүүлсэн “Тогтвортой эрх чөлөө ажиллагаа”-нд үүрэг гүйцэтгэж буй Монгол Улсын цэргийн багуудын ээлж хүлээлцэх ёслолын ажиллагаа 2011 оны 4 дүгээр сарын 17-ны өдөр AIB house буюу байнгын байрлалд боллоо. Ёслолын ажиллагаанд Афганистан улс дахь Монгол Улсын Үндэсний ахлах төлөөлөгч, хурандаа П.Батжаргал, Л.Гантөмөр, “Eggers” баазын дарга, цэргийн багийн III ээлжийн цэргийн багийн захирагч дэд хурандаа, С.Содов, IV  ээлжийн захирагч дэд хурандаа, Б.Хаш-Эрдэнэ, АНУ-ын холбогч офицер, ахлагчын баг, “BSS, Хөх-Өд хамгаалалтын албаны дарга зочид төлөөлөгчид, цэргийн багуудын бие бүрэлдэхүүн оролцлоо.
April 19, 2011
Даваа гаригт Зэвсэгт хүчний 016 дугаар ангийнхан урлаг, спортоор “амьсгалж” өнжлөө. Учир нь энэ өдөр UBS TV-ийн   “TV ZONE” сэтгүүлийнхэн тэнд бүлээрээ очсон юм. Уншигчдын хүртээл болоод 3 жил болж буй тус сэтгүүл нийгэмд хандсан цөөнгүй сонирхолтой арга хэмжээ зохиодог. Түүний нэг нь “Итгэлийн хаалга-сэтгэлийн түлхүүр” нэртэй өдөрлөг. Энэ удаа  “TV ZONE”-ийнхон ЗХЖШ-тай хамтран “Итгэлийн хаалга-сэтгэлийн түлхүүр-2” буюу “Эх орон эндээс эхтэй” хэмээх содон нэртэй өдөрлөгөө цэрэг дайчдын дунд хийлээ. Үүний өмнөх буюу анхны өдөрлөгөө ШШГЕГ-ын харьяа нэгэн хорих ангид хийжээ.  “Энэ удаа Зэвсэгт хүчнийхээ цэрэг дайчид, офицер, ахлагч нарт сэтгүүлээ сурталчлахын зэрэгцээ бас баярлуулахыг хүссэн юм. Зөвхөн ингээд зогсохгүй тус ангид зохиосон арга хэмжээгээ нэвтрүүлэг болгон ирэх 7 хоногт UBS телевизээр гаргана” гэж “TV ZONE” сэтгүүлийн эрхлэгч Б.Сайнбаяр онцолж байсан.
April 13, 2011
Афганистан Улсад явагдаж байгаа АНУ-ын тэргүүлсэн “Тогтвортой эрх чөлөө” ажиллагаа, НАТО-гийн тэргүүлсэн Аюулгүй байдлыг хангах олон улсын хүчний ажиллагаанд дэмжлэг хүсч, АНУ, ХБНГУ-ын Засгийн газраас манай улсын Засгийн газарт хандаж ирүүлсэн хүсэлтийн дагуу Монгол Улсын Зэвсэгт хүчний хоёр ээлжийн цэргийн баг тус улсад үүрэг гүйцэтгэсэн бөгөөд гурав дахь ээлжийн цэргийн баг энэ мөчид үүргээ нэр төртэй биелүүлж байна. 
April 3, 2011

Зарлал

ОРОСЫН ХОЛБООНЫ УЛСЫН ДОТООД ХЭРГИЙН ЯАМНЫ
ХАРЪЯА АКАДЕМИ, ИХ, ДЭЭД СУРГУУЛЬ, БҮГД НАЙРАМДАХ
ТУРК УЛСЫН АНКАРА ХОТЫН ЦАГДААГИЙН АКАДЕМИЙН
2011-2012 ОНЫ ХИЧЭЭЛИЙН ЖИЛД ЭЛСЭН
СУРАЛЦАХЫГ УРЬЖ БАЙНА
         Монгол Улсын Их хурал, Засгийн газрын гишүүн, Батлан хамгаалахын сайд Л.Болд АНУ-ын Батлан хамгаалахын сайд Роберт Гейтсийн урилгаар АНУ-д албан ёсны айлчлалаа гуравдугаар сарын 29-ны өдрөөс эхэллээ. Монгол Улсын Батлан хамгаалахын сайд АНУ-д анх удаа албан ёсоор айлчилж байгаа бөгөөд бүрэлдэхүүнд нь Монгол Улсын Их Хурлын гишүүн, Аюулгүй байдал, гадаад бодлогын байнгын хорооны дарга Я.Батсуурь, Ерөнхийлөгчийн Үндэсний аюулгүй байдлын бодлогын зөвлөх М.Батчимэг, ҮАБЗ-ийн дэргэдэх Стратегийн судалгааны хүрээлэнгийн Бодлогын зөвлөлийн дарга Б.Батбаяр, Батлан хамгаалахын сайдын зөвлөх Ц.Ганболд, ЗХЖШ-ын дэд дарга, бригадын генерал Б.Баярмагнай нар багтжээ. 
March 17, 2011

Тусгай салаа 2


Хархад зүс нь Монгол Ханилахад сэтгэл нь Монгол Хатгахад цус нь Монгол Халихад сүнс нь Монгол Дайнд цөс нь Монгол Далайхад илд нь Монгол Эвшээхэд нум нь Монгол Эрхшээхэд үр нь Монгол Нөгчихөд яс нь Монгол Нөхөрлөхөд андгай нь Монгол Зэр зэвсэг нь хүрэл Монгол Зэвсэгт хүчний 90 жилийн ойн мэндийг Монгол эр хүн танд хүргэе.
          2006 оноос хойш Монгол цэргийн НҮБ-ын энхийг сахиулах ажиллагаанд үүрэг гүйцэтгэх үүдийг нээсэн Сьерра Леон дахь Тусгай шүүхийн хамгаалалтын ажиллагаа дуусгавар болж Монгол Улсын Зэвсэгт хүчний 10 дугаар ээлжийн цэргийн баг хэзээ мөдгүй эх орондоо ирэх гэж байна. Өнгөрсөн хугацаанд Монгол Улсын Зэвсэгт хүчний 10 ээлжийн 2300 цэнхэр дуулгатан Сьерра Леон улс дахь НҮБ-ын тусгай шүүхийн аюулгүй байдлыг хангах үүргээ амжилттай гүйцэтгэлээ.
  Нэгэн цагт дэлхийн талыг морин туурайгаар тамгалж, Монгол хүний ид хавийг гайхуулж асан өвөг дээдсийнхээ дайчин улалжлалыг залгамжилсан Монгол цэргүүд өнөөдөр дэлхийн халуун цэгүүдэд эр зориг, авхаалж самбаа, тэсвэр хатуужил, мэргэжлийн өндөр ур чадвараа нотлон харуулж энхийн төлөө шударга үйл хэрэгт үнэлж баршгүй хувь нэмрээ оруулж байна. Монгол цэргүүд хилийн чанадад үүрэг гүйцэтгэж эхэлснээс хойших 9 жилийн хугацаанд манай энхийг сахиулагчид дэлхийн 10 гаруй оронд үүрэг гүйцэтгэж давхардсан тоогоор манай 4900 цэргийн алба хаагч энхийг сахиулах ажиллагаанд оролцоод байна. 

М Э Н Д Ч И Л Г Э Э

Монгол Улсын Их Хурлаас Зэвсэгт хүчний өдрийг “Монгол цэргийн өдөр” болгон нийтээр тэмдэглэж байхаар хуульчилсны дагуу энэ арга хэмжээ анх удаа явагдаж байгаа баярт үйл явдлыг тохиолдуулан Монгол Улсын нийт иргэд, Зэвсэгт хүчний генерал, офицер, ахлагч, түрүүч байлдагч, бэлтгэл болон чөлөөнд байгаа ахмад дайчид, цэргийн үүрэгтэн Та бүхэнд Батлан хамгаалахын сайдын зөвлөлийн нэрийн өмнөөс болон хувиасаа чин сэтгэлийн мэндчилгээ дэвшүүлье.

            Одоогоос 2220 жилийн тэртээ Модун шаньюй Төв Азид нутаглаж байсан нүүдэлчин аймгуудыг байлдан дагуулж нэгтгэснээр Монголын анхны төрт улс болох хүчирхэг Хүннү гүрнийг байгуулсан үеэс Монгол цэргийн буурал түүх эхэлж, улмаар 805 жилийн өмнө  эзэн Чингис хааны буй болгосон Их Монгол Улсын цэргийн зохион байгуулалт, сүр хүч, байлдах урлаг, сахилга журам дэлхий дахинаа гайхамшигт түүхийг үлдээжээ.

            Энэхүү түүхийг сэргээн уламжилсан 1911 оны Үндэсний эрх чөлөөний төлөө тэмцэл ялалт, 1921 оны Ардын хувьсгалын үр дүнд Манж чин улсын 220 жилийн дарлалаас чөлөөлөгдөж, туурга тусгаар Монгол Улсаа  байгуулан мандуулсан, Халхын голын 1939 оны байлдаан, 1945 оны чөлөөлөх дайн, улсын баруун хил дээр болсон зэвсэгт тулгаралтын ялалтын гол цөм, хөдөлгөгч хүч нь Монгол цэрэг байсан билээ.

            Ийнхүү Монгол Улсын шинэ түүхийн үед эх орныхоо тусгаар тогтнолыг хамгаалан бэхжүүлэх үйл хэрэг, олон улсад энхийг дэмжих ажиллагаанд Монголын цэрэг, Зэвсэгт хүчний дайчид, цэргийн багийн бие бүрэлдэхүүн түүхэн үүрэг гүйцэтгэж, амжилт гаргаж, тавигдсан зорилтоо нэр төртэй биелүүлж, дэлхий дахинаа нэр алдраа мандуулж байгаа нь Монгол цэргийн дайчин уламжлалын илэрхийлэл, Монголын ард түмний бахархал болж байна.

            Энэ өдрүүдэд 1921 оны 3 дугаар сарын 18-нд анхны ялалт байгуулж, улмаар шинэ үеийн Зэвсэгт хүчний эхлэлийг тавьж, хөгжиж бэхжсэн түүхт 90 жилийн ойг тэмдэглэж байгаагийн зэрэгцээ  1911 оны Үндэсний эрх чөлөөний хувьсгалын болон Батлан хамгаалах асуудал эрхэлсэн төрийн захиргааны төв байгууллага буй болсны 100 жил, 1921 оны Ардын хувьсгалын 90 жилийн ойг угтсан их ажлын хүрээнд уг арга хэмжээг  зохион байгуулж байгаа нь Монгол цэргийн түүхнээ  онцлог  үйл явдал болж үлдэх юм. 

            Та бүхнийг Монгол цэргийн урлаг, дайчин замналаас суралцах, эх орныхоо тусгаар тогтнол, аюулгүй байдлыг сахин хамгаалах, цэргийн шинэчлэлийг төгөлдөржүүлэх, Зэвсэгт хүчнийг хөгжүүлэх үйл хэрэгт улам их амжилт гаргана гэдэгт итгэл төгс байна.
           
            Монгол цэргийн золбоо хийморь үеийн үед мандан бадарч байх болтугай.

             
МОНГОЛ УЛСЫН ИХ ХУРЛЫН ГИШҮҮН,
ЗАСГИЙН ГАЗРЫН ГИШҮҮН,
БАТЛАН ХАМГААЛАХЫН САЙД Л.БОЛД
March 16, 2011

Уг кинонд афганистаны "Аянгат хаалга" хэмээх өндөрдлөгийг хамгаалан тулалдсан дайчидын тухай гарах болно. Тэдний өөрсдийн хүчнээс хол давуу тооны дайсантай хэрхэн эрэлхэгээр тулалдахыг үзэхийг хүсвэл киногоо татаад аваарай!
March 15, 2011
Тусгай салаа 2 киноны трейлэр болон клип мэдээ мэдээллийг хүргэж байна.
March 10, 2011
      Ардын журамт цэрэг 1921 оны гуравдугаар сарын 18-ны өдөр Хиагт хотыг хятадын гэмин цэргээс чөлөөлж, хувьсгалын анхны ялалтыг байгуулсан өдрийг хувьсгалт цэргийн баярын өдөр болгон орон даяар ёслон тэмдэглэж байхаар БНМАУ-ын Бага Хурлын Тэргүүлэгчдийн хурлын тогтоолоор 1946 онд шийдвэрлэж цэргийн албан хаагчдын амралтын өдөр болгожээ. Уг шийдвэрийн дагуу 1947 оноос эхлэн жил бүрийн гуравдугаар сарын 18-ны өдрийг Монгол Ардын Хувьсгалт цэрэг (хожим Ардын цэрэг, Монгол ардын арми, Монгол ардын цэрэг, өдгөө Зэвсэгт хүчин хэмээн нэрлэх болсон)-ийн баярын өдрийг тэмдэглэсээр өнөөг хүрсэн байдаг.
       Монголчууд төр улсаа байгуулаад наанадаж 2000 гаруй жил болсон түүхтэй бөгөөд анх нийтийн тооллын өмнөх 209 онд Хүннү улс байгуулагдаж түүхэнд бичигдэх болсноос хойш Сүмбэ, Нирун, Хятан зэрэг эртний улсууд монгол нутаг дээр оршин тогтнож нутаг дэвсгэр, газар нутгаа цэргийн хүчээр хамгаалж ирснийг түүхэн сурвалжууд нотолж буй юм. Түүний дараах монгол овог, аймгууд түүхийн ээдрээ нугачаанд мандан, буурч явсаар Хамаг Монгол улсын үеэс дахин хүчирхэгжиж, цэрэг зэвсгийн хүчээр тусгаар тогтнолоо хамгаалан тэмцэж иржээ. Хамаг Монголын суурин дээр 1206 онд байгуулагдсан Их Монгол Улсын үед монголчууд түүхийн тавцнаа товойн гарч, өмнөх үеийн монгол цэргийн уламжлалд тулгуурласан үндэсний хэмжээний, байнгын шинжтэй, дотоод, гадаад мянганаас бүрдсэн 10.5 түмэн хүнтэй хүчирхэг морьт цэргийг байгуулсан нь дэлхийн түүхэнд нэрээ дуурсгажээ.
       Үүнээс хойш монголчууд харийн гүрний эрхшээлд орж нэгэн хэсэг буурч явсан ч үе үеийн цэрэг эрс үндэсний тусгаар тогтнолынхоо төлөө тэмцсээр ирсэн бөгөөд 1911 оны Үндэсний эрх чөлөөний хувьсгалын ялалтын үр дүнд тусгаар тогтнолоо зарлан үндэсний цэргээ байгуулж, 1921 оны хувьсгалын ялалтын дараа шинэ үеийн Зэвсэгт хүчнийг эмхлэн байгуулсан билээ.
       Энэхүү ХХ зуунд сэргээн байгуулагдсан Зэвсэгт хүчин нь үндсэндээ монгол цэргийн өнө эртний уламжлалыг харгалзсан, залгамж шинж чанар бүхий цэрэг бөгөөд түүний үүсэл, хөгжлийг Их Монгол Улс төдийгүй Хүннү улсын цэрэгтэй холбон авч үзэхээс өөр аргагүй юм. Иймд монгол цэргийн үүсэл, гарлыг Хүннү улсаас тооцож үзэх нь зохимжтой байна.
       Монгол цэргийн түүхийн хоёр мянга гаруй жилийн түүхэн уламжлал, залгамж чанарыг үндэслэн жил бүрийн гуравдугаар сарын 18-ны өдөр тэмдэглэдэг Зэвсэгт хүчний өдрийг “Монгол цэргийн өдөр” хэмээн нэрлэхээр “Нийтээр тэмдэглэх баярын болон тэмдэглэлт өдрүүдийн тухай” 2003 онд баталсан Монгол Улсын хуулинд өөрчлөлт оруулах саналыг 2011 оны хоёрдугаар сард УИХ-аар хэлэлцэн баталсан билээ. Монгол цэргийн өдрийг тэмдэглэх талаар БХЯ-ны ТЗУГ-ын дарга Ш.Сүхбаатар, БХИС-ийн захирал, бригадын генерал З.Болдбаатар, Батлан хамгаалахын эрдэм шинжилгээний хүрээлэнгийн эрдэм шинжилгээний ажилтан, доктор /Ph/ С.Ганболд, доктор Ж.Базарсүрэн нар хэвлэлийн бага хурал хийлгэж сэтгүүлчдийн асуултад хариулт өглөө.

БХЯ 100 жил

 2011 ОНД ТОХИОХ ИХ ОЙНУУДЫГ ТЭМДЭГЛЭХ АЖЛЫН БЭЛТГЭЛИЙГ  ХАНГАХ,
ТЭМДЭГЛЭН ӨНГӨРҮҮЛЭХ АЖЛЫГ ЗОХИОН БАЙГУУЛАХ НЭГДСЭН
ТӨЛӨВЛӨГӨӨ
Монгол Улсын Ерөнхийлөгчийн 2010 оны 216 дугаар зарлигаар Хүннү гүрэн байгуулагдсаны 2220, 2008 оны 399 дүгээр зарлигаар Үндэсний эрх чөлөөний хувьсгал өрнөсний 100, Монгол Улсад шинэ үеийн Батлан хамгаалах алба /Цэргийн хэргийг бүгд захиран шийтгэгч яам/ байгуулагдсаны 100, шинэ цагийн Зэвсэгт хүчин үүсэн байгуулагдсаны 90 жилийн ойг тэмдэглэх шийдвэр гаргасантай холбогдуулан Монгол Улсын Засгийн газрын 2010 оны 172 дугаар тогтоолоор батлагдсан “ Түүхэн үйл явдлын ой, тэмдэглэлт өдрийг тэмдэглэх, гавъяат үйлстнийг алдаршуулах, дурсгалыг мөнхжүүлэх журам”-ыг хэрэгжүүлэхэд нэгдсэн төлөвлөгөөний үндсэн зорилго оршино.
March 1, 2011
Монгол Улсын Батлан хамгаалах яам, БНСУ-ын Үндэсний батлан хамгаалах яамд хоорондын дөрөвдэх удаагийн дунд хэмжээний зөвлөлдөх уулзалт 2011 оны хоёрдугаар сарын 15-19-ний өдрүүдэд БНСУ-ын Сөүл хотод болов.
Генерал цолны мөрдэс өөрчлөгдөх гэж байгаа аж. Энэ талаар Батлан хамгаалахын их сургуулийн захирал, бригадын генерал З.Болдбаатартай уулзаж ярилцлаа.
2011 оны 2 дугаар сарын 01-ний өдөр Афганистаны Кабул хотын төвд байрладаг Аюулгүй байдлыг дэмжих олон улсын хүчин ISAF-ийн Төв штабын гаднах талбайд Монгол Улсын төрийн далбааг албан ёсоор мандуулав. 
Манай улс, Афганистаны аюулгүй байдлыг хангах НАТО-гийн тэргүүлсэн ажиллагаанд цэрэг хандивлагч 45 дахь орноор 2010 онд албан ёсоор бүртгүүлсэн бөгөөд одоо Монгол Улсын ЗХ-ний Үндэсний ахлах төлөөлөгч хурандаа П.Батжаргал Төв штабт нь ажиллаж байгаа юм.
Vг. Ц. Чимиддорж
Ая. Н. Чулуунхvv
 
Настай ээжийдээ яарах тусмаа
Нартай дэлхийгээ улам хайрлаад
Одоо ингээд халагдана гэхээс
Оройн тоондоо жагсаад байна даа

Хийморьтой тугандаа адислах єглєє

Хэзээ модгvй ойртсоор л байна даа
Буянтай аавдаа яарах тусмаа
Буурач дэлхийгээ улам хайрлаад

Гэр гэр лvvгээ мордоно гэхээс

Гэгэлгэн сэтгэл минь хуарандаа хоргодоод
Дахилт

Сайхан чам руугаа яарах тусмаа

Сартай дэлхийгээ улам хайрлаад
Цэл залуухан насныхаа дурсгал
Цэргийнхээ андуудтай зургаа татуулаад
Дахилт

Унаган нутагтаа яарах тусмаа

Уужим дэлхийгээ улам хайрлаад
Андгай тангаргаа хvндлэн єргєсєн
Азтай дvv нартаа халаагаа єгсєн
February 14, 2011

Airsoft sport

February 9, 2011

Цэрэг эрс


"Энхийн үйлсд 181 хоног" номноос авав.
January 26, 2011
  Афганистан улс дахь "Тогтвортой эрх чөлөө" ажиллагааны 3 дугаар ээлжинд үүрэг гүйцэтгэж буй хилчид амжилт гаргасан тухай таатай мэдээлэл ирлээ.  Хэдийгээр тус улсад цагийн байдал тогтворгүй байгаа хэдий ч манай цэргийн багийн бие бүрэлдэхүүн энэхүү нэр хүндтэй бөгөөд туйлын хариуцлагатай ажиллагаанд Монгол цэргийн золбоо хийморийг харуулан үүргээ маш сайн гүйцэтгэж байгаа билээ.
  Тэдний дунд Хил хамгаалах байгууллагаас 5 хүний төлөөлөл үүрэг гүйцэтгэж байгаа бөгөөд тэдний нэг болох Хилийн 0252 дугаар ангийн жагсаалын дарга, дэд ахлагч В.Хуяг хилчин хүний соргог чадварыг харуулан, үүргээ сонор сэрэмжтэй гүйцэтгэж, “Эггэрс” баазад гал гарах гэж байсныг урьдчилан илрүүлж мэдээлснээр хүний амь нас хохирохоос болон учирч болох эд хөрөнгийн эрсдэлээс сэргийлж амжилт гаргажээ.
  Түүний энэхүү амжилтыг цэргийн хүчнээс өндрөөр үнэлж, “Эггэрс” баазын дарга  өөрийн биеэр Монголын цэргийн багт ирж, дэд ахлагч В.Хуягт баярлаж талархаснаа илэрхийлж, дурсгалын зүйлс болон хүйтэн зэвсгээр шагнасан байна. Мөн цэргийн багийн "Дартс"-ний аварга шалгаруулах тэмцээнд бүлгийн ахлагч, Хилийн 0306 дугаар ангийн заставын дарга, ахлах дэслэгч Г.Билэгбаяр түрүүлж, алтан медаль, өргөмжлөл хүртсэн тухай мэдээлэл ирэв.

Copy_of_P1210379
Афганистан улсад явагдаж байгаа “Тогтвортой эрх чөлөө” ажиллагаанд ХБНГУ-ын цэргийн хүчинтэй хамтран үүрэг гүйцэтгэж буй Монгол Улсын Зэвсэгт хүчний Цэргийн хамгаалалтын салааны III ээлжийн бие бүрэлдэхүүн 2010 оны 11 дүгээр сараас эхлэн ажиллагааны газар оронд үүрэг гүйцэтгэж эхэлсэн бөгөөд тус салаа Афганистан улсын Бадахшан муж дахь Мужийн сэргээн босголтын “ПРТ Файзабад” баазын харуул хамгаалалт, аюулгүй байдлыг хангахын зэрэгцээ тус мужийн олон улсын нисэх онгоцны буудлын талбайн хамгаалалтыг зохион байгуулж, үүргээ нэр төртэй гүйцэтгэж байна.
            Хамгаалалтын салааны 2010 оны “Шилдэг тасаг”-аар ахлах ахлагч Г.Мөнхбат захирагчтай 2 мбт-ийн хамт олон,  “Тэргүүний цэргийн албан хаагч”-аар дэд ахлагч Б.Цэндсүрэн шалгарсан төдийгүй үүрэг гүйцэтгэлт, ажил үйлсээрээ хамт олноо манлайлсан дэд ахлагч Ц.Мөнхбатыг Монгол Улсын Үндэсний ахлах төлөөлөгч хурандаа П.Батжаргал дурсгалын зүйл, баярын бичгээр шагнаж урамшуулсан байна. 

ЦЭРГИЙН БАГИЙН ЗАХИРАГЧ
АХМАД           П.ДЭЛГЭРМӨРӨН
Афганистанд үүрэг гүйцэтгэж буй манай  Нисдэг тэрэгний техникийн засвар үйлчилгээний сургалтын баг өнгөрсөн 2 сарын хугацаанд явуулсан сургалт чанартай сайн болсон тул сургалтыг удирдаж буй америкийн тал болон мэргэжилтнүүдээ сургасан афганы талаас дахин сургалт явуулах хүсэлт тавьжээ. 
Афганистаны АЦХ-ний инженер, техникийн бие бүрэлдэхүүнтэй явуулах хоёр дахь удаагийн дамжааг Кабул дахь нисэхийн засвар, техникийн үйлчилгээний хорооны инженер техникийн мэргэжлийн 11 ЦАХ, нисэх дивизийн сургалтын албаны 1 ЦАХ, нийт 12 ЦАХ-ын бүрэлдэхүүнтэйгээр 2011 оны 01 дүгээр сарын 14-ний өдөр албан ёсоор эхлүүллээ. Дамжаанд суралцагчидаас 6 ЦАХ өмнө нь  СУ-22, АН-12, Миг-21, Ми-35 загварын онгоц, нисдэг тэрэгний хөдөлгүүрийн мэргэжилээр ажиллаж байсан туршлагатай бөгөөд Ми-17 загварын нисдэг тэргэн дээр шилжин суралцаж байгаа ажээ.



                                БОЛОВСРУУЛСАН:
       НИСДЭГ ТЭРЭГНИЙ ЗАСВАР, ҮЙЛЧИЛГЭЭНИЙ
 СУРГАЛТЫН  БҮЛГИЙН ДАРГА
     ДЭД ХУРАНДАА                          Ч.БОЛДБААТАР
January 22, 2011

 Монгол Улсын ууган архивуудын нэг болох ТЕГ-ын Тусгай архив нь Дотоодыг хамгаалах газрын даргын 1932 оны 2 дугаар сарын 10-ны өдрийн 41 тоот тушаалаар анх байгуулагдсан.  

АНУ-ын Үндэсний Тагнуулын удирдлага Деннис Блэр Америкийн тагнуулын албаны ойрын 4 жилийн хөгжлийн төлөвийн тухай илтгэл тавьсныг Үндэсний тагнуулын сайтад 9 дүгээр сарын 15-нд нийтлэгдсэн хэвлэлийн мэдээлэлд өгүүлжээ. “Үндэсний тагнуулын стратеги 2009” гэсэн уг баримт бичигт Америкийн тагнуулын албанд багтах 16 салбарын ажлыг тодорхойлсон байна.
МОНГОЛ УЛСЫН ХУУЛЬ
ГАЛТ ЗЭВСГИЙН ТУХАЙ

January 20, 2011
January 18, 2011

Монгол Улсын Зэвсэгт хүчний 90 жилийн ойн баярыг тохиолдуулан  “Зэвсэгт хүчин-90 жил” сэдэвт мэргэжлийн гэрэл зурагчид болон сонирхогчдын гэрэл зургийн уралдааныг 2011 оны 01 дүгээр сарын 10-наас 02 дугаар сарын 10-ны өдрүүдэд зарлан явуулж байна. Та бүхнийг өргөнөөр оролцохыг урьж байна.
January 10, 2011
January 6, 2011
       Афганистан улс дахь “Тогтвортой эрх чөлөө ажиллагаа”-ны  бүс дэхь эвслийн цэргийн хүчний Каяа бааз дахь МУ-ын Цэргийн багийн нисдэг тэрэгний техникийн засвар, үйлчилгээний бүлгээс Афганистаны АЦХ-ний инженер, техникийн бие бүрэлдэхүүнтэй явуулсан Ми-17 загварын нисдэг тэрэгний хөдөлгүүрийн мэргэжлээр шилжүүлэн сургах дамжааны төгсөлтийн арга хэмжээг зохион байгууллаа.
January 1, 2011